იუსტიციის სამინისტროს ეროვნული არქივი გილოცავთ დავით აღმაშენებლის ხსენების დღეს და წარმოგიდგენთ დავით IV-ის საზოგადოებისთვის დღემდე სრულიად უცნობ და ერთადერთ მინიატურას (ვახუშტი ბატონიშვილი, საქართველოს ისტორია, 1808 წელი).
ეროვნულ არქივში მიმდინარეობს ხელნაწერთა ახალი აღწერილობების შემქნა. ამ პროექტის ფარგლებში ვახუშტი ბატონიშვილის ”საქართველოს ისტორიის” ახლებური აღწერისას, ტექსტში, იქ სადაც, დავით აღმაშენებლის ისტორია იწყება, საზედაო გრაფემა “დ”-ში ჩახატული აღმოჩნდა დავით აღმაშენებლის ეს მინიატურა.